Datos.gob.es Estatuko Administrazio Orokorraren Informazio Publikoaren Katalogoa antolatu eta kudeatzen duen atari nazionala da. Atari honetan, sektore publikoaren informazioaren berrerabilerari buruzko informazio orokorra, prestakuntza-materialak eta gaurkotasuneko berriak ematen dira.

Ekonomia, Merkataritza eta Enpresa Ministerioak, Sektore Publikoaren Informazioa Berrerabiltzeari buruzko azaroaren 16ko 37/2007 Legea aldatzen duen uztailaren 9ko 18/2015 Legean ezarritakoaren arabera, herritarren eta enpresen eskura jartzen ditu, webgune honen bidez, jarduera ekonomikoa bultzatzen laguntzeko berrerabil daitezkeen datu irekien multzo batzuk. 

​Horretarako, erabiltzaileek onartu egiten dituzte Lege Abisuan agertzen diren baldintza orokorrak, eta beren erantzukizunpean erabiliko dituzte datuak. Erabiltzaileek bakarrik erantzun beharko dute hirugarrenen aurrean datu horiek erabiltzeak eragin ditzakeen kalteen aurrean.

Gaur egun Datuen Katalogoan sartuta dauden Ekonomia, Merkataritza eta Enpresa Ministerioaren datu irekien multzoak oinarrizko modalitate orokorrean berrerabiltzen dituzten agenteen eskura jartzen dira, betekizun gehigarririk gabe.​