A axuda relativa á Liña Indicacións Xeográficas, ten como obxectivo apoiar actuacións de defensa xurídica e protección das indicacións xeográficas en mercados de países terceiros e inclúe:

• Gastos asociados ao rexistro de nomes de indicacións xeográficas, incluído o pago de taxas esixidas nalgúns países.
• Gastos de contratación de servizos para a defensa da protección da indicación xeográfica.
• Gastos vinculados aos servizos de vixilancia e alerta para detectar o uso indebido da marca protexida fóra de España.

Estas axudas enmárcanse no “Programa de axudas para gastos de apertura e consolidación de mercados exteriores", do Compoñente 13, Impulso á Peme, do Plan de Recuperación, Transformación e Resiliencia, no seu investimento 5 referente á internacionalización, contribuíndo aos obxectivos asociados á mesma, de acordo coa normativa reguladora do Mecanismo de Recuperación e Resiliencia e do Plan de Recuperación a nivel europeo e nacional.

Poderán acollerse ás axudas os Consellos Reguladores ou Entidades de Xestión das denominacións de orixe ou indicacións xeográficas, en relación coa Liña Indicacións Xeográficas.

Na sede electrónica do Ministerio atópanse os accesos, documentación relativa e demais información de interese no procedemento.​